Gjennomfør evalueringsmøte der alle involverte partar drøftar i kva grad tiltaka har ført til at barnet/ungdommen sin situasjon har endra seg. Legg til rette for at barnet / ungdommen kan delta i evalueringsmøtet. Aktuelt å ta med i evalueringa: kartleggingar, observasjonar og anna dokumentasjon.

På bakgrunn av evalueringa de har gjort, fatt ei avgjerd om vegen vidare. Moglege utfall av evalueringa:

Tiltaka har hatt ønska effekt, det er ikkje lenger grunn til å uroe seg. Avslutt loggen.

Tiltaka har effekt, men de er framleis ikkje i mål og arbeidet held fram. Avtal nytt tidspunkt for evalueringsmøte. Gå tilbake Nivå 1 - steg 3.

Tiltaka har ikkje gitt ønska effekt. Det vert vurdert at andre tiltak kan settast i verk innanfor eiga eining. Gå tilbake til Nivå 1 - steg 3.

Tiltaka har ikkje gitt ønska effekt. De ser behov for hjelp frå eksterne tenester og drøftar vidare innsats.
- Kven kan hjelpe? Sjå oversikt over Tiltak og tenester for barn og unge i kommunen og Tiltaksvifte for Sunnfjord kommune (sjå verktøy).
- Vurder om saka skal drøftast i ressursteam for råd og rettleiing dersom det er uklart kven som kan hjelpe.
- Ved vurdering av tilvising til PPT, gå til Handbok for tidleg innsats, tilpassa opplæring og spesialpedagogikk for beskriving av saksgang.
- Vurder aktuelle samarbeidspartnarar. Dersom saka blir løfta til Nivå 2 eller 3, er det viktig å få samtykke frå føresette til å involvere eksterne samarbeidspartar. Avklar og informer føresette om vidare prosess. Gå til Nivå 2 eller Nivå 3 for vidare saksgang. Bruk verktøyet “Samtykke for tverrfagleg samhandling”.

Eininga / ressursteamet er usikre på vegen vidare. Eininga kan, med samtykke frå føresette, melde saka inn til Tverrfagleg team for råd og rettleiing. Hugs å informere føresette godt på førehand om tverrfagleg team og kvifor eininga treng bistand. Her kan du nytte verktøyet "Struktur og gjennomføring av rettleiing i tverrfagleg team"). For innmelding nyttar du det digitale skjemaet "Sak til drøfting i Tverrfagleg team".

NB! Barnet har rett til å seie si meining i alt som vedkjem det, og barnet sine meiningar skal vektleggjast.